كيفاش نتقرب من مراتي

 🐋كيفاش نتقرب من مرتي 🐋

👞 1 : مرتك تكون واقفة فالكوزينة سير عندها وضحك معاها وسير من مورها وعطيها قبلة فعنقها هاد حركة كاتعجب البنات وفنفس الوقت انت كاتلمس جسدها بيديك👍 

👞2 : تغديتو وكملتو هي تغسل الماعن وانت جمع ليها طبلة .هادشي ماكايقللش من رجولة ديالك ✋❌

👞3 : حن فيها وتغزل بيها سمعها كليمات زوينة تفرحها ماتكونش اناني وتنسى منها غير هي لي تقول ليك هضرة زوينة لأن الاهتمام يساوي الاهتمام✋❌

👞4 : منين تكون فيها العادة الشهرية تهلا فيها خصوصا أنها فديك الفترة كاتبغي الحب والحنان بحال شي بنيتة صغيرة وخاصها تبعد على تمارة فالايام الاولى إلا خديتي ليها غير شي حلوة ولا شيبس ولا دانون (سقاطة بشكل عام) غاتفرح بهاد الحوايج البسيطة وغاتفرح اكتر لانك تفكرتيها لذالك دللها رآه تستاهل 👍

👞5 : عطيها مصروفها الشخصي بعض المرات النساء كايحشمو ياخدو منا الفلوس وكاين لي كاتخاف من ردة الفعل ديالنا لذالك انت كل شهر عطيها داكشي لي قديتي عليه باش تاخد الاحتياجات لي خاصينها كأنثى👌

👞6 : مرة مرة تفكرها بشي كادو وخرجها تفوج ماشي تحبسها غير فدار ودير فيها انك الحاكم وهي المحكوم عليها هي رآه انسانة إلا بقات غير فدار غاتمرض ليك بالاكتئاب رآها امانة من الوالد ديالها لذالك تهلا فيها وماتخونش الامنانة✋❌

👞7 : تقرب من مرتك وكون شوية رومانسي النساء رآه كايعجبهم الرجل لي رومانسي ولي كايطول في المداعبات ماشي غير تقضي الغرض وتونض الا ساليتو تعاود معاها شوية ماشي تعطيها بضهرد وتنعس وماتخليش الافكار النرجسية تغلب عليك هاديك مرتك حلال عليك👍

👞8 : مرة مرة طيب انت وفاجئها بشي اكلة كاتعجبها وقول ليها انا هاد نهار لي غانطيب انتي رتاحي 😊 واش مخبارك ان مرتك غاتفرح بزااف حيت فكرتي فالراحة ديالها🤌

👞9 : منين تكون مرتك معاك سد تيليفون ولوحو فشي قنت وسير عندها عنقها وضحك معاها ماتخليش التيليفون ياخد ليك وقت لي كان ممكن دوزو مع مرتك بلحضات جميلة تيليفون رآه هو اكبر عدو للازواج 👌

👞10 : حاول تحكم فاعصابك وماتجرحهاش بشي كلمة قاصحة حيت هوما البنات طبعهم حساس والا قلتي ليها غير شي كلمة ماشي هي هاديك عرف أنها عمرها غادي تنساها وممكن تنفر  منك 👌

🐋موضوع لي جاي غانهضر ليكم على كلام رومانسي لي ممكن تقول لمرتك👍