#آلاعيب_أنثى 🤫🫦
التصرفات الذكورية للأنثى ❤️‍🔥

كاين واحد الجانب من الإنسان كنعتابرو مثير بزاف، وهو اننا نميلو لافعال الطرف الثاني لي تكون قريبة من تصرفات الجنس الخاص بنا..

يعني ، فاش الراجل بكاااااامل قوته الذكورية.. والمظهر ديالو وتصرفاتو لي كلها رجولة..يدير شي تصرف خاااص بالمرأة... بلاتي بلاتي نشرح ليكم باش ماتفهموش غلط 👌🏻

مثلا فاش يولي علا غفلة عاااطفي بزاف ومثلا يبكي!.. او ينوض يطيب.. او مثلا يبدل لولادو ليكوش و يوكلهم.. او او غيرها من الحاجات لي كتكون خاصة بالمرأة...

ولكن بشرط ✋🏻 يبقا محتفظ علا شكلو وأسلوبو الرجولي.. هادشي كيتعتابر بالنسبة لبزاف ت النساء جذاب 💕..

ونفس الحاجة بالنسبة للرجل، كيميل وكينجاذب بشكل كبير للأنثى لي كدير بعض التصرفات الذكورية وهي محااااافظة علا أنوثتها👌🏻... هادشي علاش تقدري تلقاي الرجل كينجاذب لمرا لي كتسوق طوموبيل بشكل محترف أو موطور، ولا البنات لي كيديرو لاصال أو كيلعبو كورة، أو البنات لي كيلعبو مثلا فري فاير أو لي كيشجعو شي فريق فالكرة .. وغيرها من الأمور الذكورية الخاصة بيهم... 

وهادشي كولو طبعا مع الاحتفاظ بالشرط الأساسي والوحيد وهو الأنوثة 💗.. يعني مظهرها الخارجي هو مظهر أنثى بشكل كامل من شعر اسلوب وتصرفات ولبس فيه إغراء ✨.. 

گاع هاد الحركات كتجدب الراجل حيت كيشوف كل مقومات الأنوثة فيك ولكن الفعل هو فعل ذكوري؛ 

اي انه فعل مكيتناسبش مع طبيعتك ابدا  ولكن نتي❤️ كتقنيه... 

وهادي راها قمممة الاثارة للرجل 👌🏻

ف باختصار مررررة مرررة يعني غير مرة فشحال وفبعض الحاجات ديري شي نشاط ذكوري قدام راجلك.. والشكل ديالك ديك ساعة يكون فقمة الأنوثة... 

واخا وغتسولوني بحالاش هاد التصرفات 💗؟ 

-ايلا كان شي ماتش، لبسي توني ديال الفرقة لي كيشجع راجلك وشجعي معاه... بس حاولي تفهمي شوية فالكورة 

-لبسي مثلا شورط ،ولعبي معاه ف البلايستيشن وتحدايه شكون يربح.. 

-ايلا كنتي كتعرفي تسوگي... قولي ليه شي مرة ونتي خارجا معاه يخليك نتي لي تسوگي. 

-لعبي معاه مثلا شي مرة كورة أو باسكيت! 

وهكذا... مهيم هادي بعد الأفكار طبقيها حبيبتي 🌸

ايلا عجبكم البوسط عطيوني رأيكم وقولوليا واش تبغيو نبقا نحط بوسطات بحال هاكا حيت عندي بزااااف د الافكار ومواضيع اخرين بحال كيفاش دوي مع خطيبك وتعرفي عليه مزيان يعني تعرفي كيفاش كيفكر وواش بصح مناسب ليك ..بحال كيفاش تكوني لحلاحة ولسانك كيقطر بالعسل 🍯 وبعض النصائح وافكار جريئة شوية تخلي راجلك يموووووت فيك 🔥 مهيم عجبني هاد الكروب وماكرهتش داكشي لي كنكتب يوصل لاكبر عدد من البنات ❤️ هادا غير فكرة خفيفة ظريفة حيت انا كيعجبني نتعمق فالمواضيع وندوي فالتفاصيل و اغلب مواضيعي كيكونو طوال وشاملين👌🏻

#سلمى