😍 يوم تعارف وكاين لي كايقول عليه الرؤية الشرعية🌹🌹🌹🌹
 

💄💄 شوفي الخلخولة : اولا منين يكونو جايين غاتكوني انتي وعائلتك ديجا وجدتو طبلة فاعلة تاركة وتافقتو 🍓🍓

🦋اولا : غاتوصي ماماك وباباك يهضرو معاهم ماشي يبقاو شوف فيا اطاجين الحوت ماماك تكلف بالعيالات وباباك يتكلف بالرجال عطيوهم وقتهم حبذا لو ديرو جوج  طبلات الرجال بوحدهم والعيالات بوحدهم الا كانو رجال بزاف الا كان غير العريس وباباه كتافيو غير بطبلة وحدة والا واليديك ميتين الله يرحمهم عيطي لعمك وشي خالتك ولا شي حد كبير يهضر فبلاصتهم .🍓🍓

🦋تانيا :  انتي الخلخولة الحادكة غاتكوني ديجا عاونتي ماماك فتوجاد وغير يقربو ناس يجيو تبقا ليهم شي ساعتين سيري قادي راسك لبسي قميس جوهرة وديري مكياج خفيف ماشي معيق رشي ريحة خفيفة الا كاديري زيف ديري شي شدة زوينة الا لا هزي شعرك على شكل ذيل الحصان بلا ماطلقيه من الاول وخلي ماماك وخواتاتك يتكلفو والا ماعندكش خواتاتك عيطي لشي بنت جيرانك ولا صاحبتك تعاون ماماك وغير يدخلو ناس ماتخرجيش عندهم حتى يدخلو ويكلسو عاد تمي داخلة عندهم سلمي على لعيالات ورجال كتافاي بسلام من بعيد وكلسي تبتي ومرة مرة هزي وجهك فيهم وبتاسمي باش تباني بشوشة وماتهضريش بزاااف داكشي بالقياس باش ماتبانيش فريفرة ويقولو هادي هبيلة ناس ماغايفهموكش انك كاتصرفي على طبيعتك اللهم وزني راسك 🍓🍓

🦋تالتا : الماكلة : شوفي الخلخولة اي حاجة غاتحطوها ليهم هي هاديك هوما اولا ولا اخيرا جايين يشوفوك انتي ماشي باش ياكلو ،انتي فقط غاتكبري بيهم 🚫🚫تنوييه : ضاروري ديرو اتاي حلو ومسوس حيت ممكن شي حد فيهم يكون مريض بالسكري ولا ماعندوش مع سكار بهاد الحركة غاتكبرو بيهم 🍓🍓

🦋رابعا   : ماكلة غاتحطو ليهم اتاي قهوة مسمن بغرير العسل حريشات صغار  كيكة صواريات مملحات كرواصون فرماج كاوكاو لوز كركاع تمر حلويات من مخبزة بحال فقاص وغريبة مهم عزلو شكيلات ولا قادوهم غير انتوما مهم لي بغيتو انتوما وجهدكم انا عطيتكم غير امتلة 🍓🍓

🦋خامسا : ماتبقاوش عليهم كل مرة اوا كولو🦋 ماكليتو والو وااالااااا الخلخولة وياك قولوها ليهم مرة وحدة فقط لانك الا بقيتي عليهم كولو ماكليتوش ماغاديش يحسو بالراحة وغايقولو حاضيينهم فالماكلة🍓🍓 

🦋سادسا : منين يكونو خارجين سلمي عليهم ضاروري وقولو ليهم طريق سلامة والله يجعل كلشي مبارك ومسعود 😍😍🍓🍓

🦋خليو ليا شي تعليقات وتفاعلو الخلخولات باش نبقا نحط ليكم 😍😍🍓🍓