كيف أتقرب من زوجي وأنا أعيش مع عائلته
❤💍كيفاش نتقرب من راجلي وانا عايشة وسط زريعتو (عائلتو) 💍❤
🍨أولا رآه غير فبيتك كافي ديري فيه العجب مع راجلك❤ بلا ماتجي شي وحدة وتقول احكا كاتنعس وسطنا عكوزتي ولا ماعنديش بيتي حيت هادي ماشي حياة زوجية✋
🍉1 : أولا إلا كنتي عايشة مع زريعة راجلك فنفس دار اول حاجة سيري لحانوت تقداي وشري شيبس وسقاطة وخصصي ليهم مجر خاص بيهم بحال الحوايج كل ما ترشق ليك انتي وراجلك هزو وكولو حتى حد ماسيق ليكم الخبار وديري لقفل لداك المجر ولا سدي بيتك ❤
🍉2 : سيقي بيتك ورتبيه ورشيه بالعطور باش تبقا فيه ريحة زوينة حيت رجال كايتأثرو بالعطور ونقاوة ❤ ومرة فعاماين كاع بدلي الصباغة ديال الحيوطا دبيتك غير راجلك يصبغ بلا صباغ باش توفرو الفلوس وديما بيتك يكون مهوي❤
🍉3 : تكونو كالسين مع عائلة راجلك فبيت واحد متلا ولا صالون صيفطي لراجلك ميساجات فواتساب كلهم حب وعشق وتعنبي عليه ومرة مرة هزي راسك شوفي فيه وضحكي 😍😍
🍉 4: غير تحسي براجلك داخل لبيت سيري مور الباب منين يدخل جريه من يديه وسدي الباب وطيري على شفايفو بالبوسان 😍😍
🍉5 : تكوني متكية انتي وراجلك فليل هضري معاه على نهارو كيف داز وفنفس الوقت انتي كاتقيسي ليه شفايفو ولحيتو بيديك يعني الهضرة+اللمسات ❤😍
🍉6: منين تكونو كاتغداو كاملين فطبلة وحدة مع عائلتو وتقربو تساليو قطعي اللحم ولا دجاج لراجلك وحطيه قدامو هاد الحركة غادي تعجبوو ولاكن حتى تشوفيهم هوما قربو للحم وكاياكلو منو عاد قطعي لراجلك باش مايقولوش هادي بزربة طارت على اللحم😂😂😂❤ وغير يتقاضى ليه الخبز قطعي ليه مهم تهلاي فيه ❤
🍉7 : مرة مرة هزو الناموسية وديها تشمش فالسطح ولا وقفيها غير فالبيت وسيقيه وفرشو غير فالأرض بدلو حتى نوعية النوم ديالكم ماشي ديما غييير ناموسية خصوصا فصيف ❤
🍉8 : منين تكون فيك ليغيكل عطي بضهرك لراجلك وهزي يديه وخليه يشد بيها صدرك ونعسو❤ هادي انا كانديرها كل ليلة مع راجلي❤ إلا ماعندكش صدر حطيها على كرشك😅👍
🍉9 : تكوني واقفة كاطوي الحوايج ولا كاتمسحي الغبرة فبيتك وراجلك متكي فالناموسية موراك حركي مسعودة🍑 ديالك يمين ويسار يمين ويسار بحال إلا كاتشطحي 100% راجلك غايحط تيليفون ويبقا حاضيك غير انتي وممكن ينوض عندك حيت فيقتي ليه مولاي العبد 😂😂😂
🍉10 : فهاد الحرارة وصيف شري سوتيان ديال البانضة مع شي شورط قصير وبقاي تنعسي بيهم مع راجلك وسدو الباب عليكم غير يدق عليكم شي حد لبسي شي حاجة طويلة بزربة❤
🍉11 : تحسي براجلك داخل لبيت نعسي على كرشك وخلي رجيلاتك باينين وحتى فخادك وشعرك مطلوق وتكون فيك ريحة زوينة وديري راسك ناعسة هادشي ديريه منين تكون فيك ليغيكل 😂😂 تأكدي انه 100% سيد غاتحمقيه انا كانديرها لراجلي حتى كانحس بيه كايتلمس ليا رجليا بيديه😂😂😂
🍉12 : تكونو فبيتكم هزي ورقة وقلم وقولي ليه بلاتي نرسمك أو حاولي تخربقيه بلعاني أو
عوجي فمك بشكل طفولي وقولي ليه ماصدقاتش ليا😥 《غادي تخلقو فهاد لحضة جو مضحك وفكاهي》❤❤
🍉13 ليلة رومانسية 🔞:
شري شي طبلة تكون صغيرة وقصيرة ديال الخشب ولا تاع البلاستيك على حساب جهدك وشري النفاخات فالاحمر وزيف باش تغطي الطبلة بالابيض باش تهرسي اللون ❤ وشميعات صغار كلشي خبعيه فبيتك ✋ونهار تبغي تزيني قطفي غير داك الورد لي كايكون فشجر فزنقة باللون الاحمر ولا الوردي🌹🌹 بلا ماتشريه وزيني الناموسية ديالكم على شكل قلوبا 💕💕
💕بالنسبة لماكلة خودي غير 2 طاكوس واحد ليك واحد لراجلك وقطعيه 3 طريفات وحطيه وحطي الفريت معاه وداكشي لي جا معاه والعصير حتى هو وكويسات تاع زاج حيت إلا طيبتي فدار دارهم غاتجيهم فشكل وغايخصك ذوقيهم😒😒 إذن كلشي ديريه بسرية❤
🍉14 : شبكي يديك مع يد راجلك وقولي ليه زير عليها ولاكن غير بشوية هو ضاروري غايزير عليك باش يبان قوي قدامك😂وقولي ليه : ااااي اححح قصحتيني😥 حشومة عليك 😧《وشوفي فيه بنضرات بريئة 🥺🥺وعوجي فمك حيت راجل كايحماق على الحركات الطفولية تاع المراة كايبغي كايكلها بقوة ماكاتبان كيوت🤤🤤》❤❤
🍉15 : وآخر نصيحة حاولي تقاري مرة مرة قصص رومانسية مغربية باش ديما تبقاي نشيطة عاطفيا وجنسيا مع راجلك 😊❤
🌹 الموضوع القادم : يوم التعارف شنو نلبس ونوجد؟؟ وكيفاش نتصرف انا وعائلتي معاهم؟؟🌹
💕#ادمن_صفاء💕
تعليقات
إرسال تعليق