16 نصيحة دهبية للمخطوبات
💋نصائح للخلخولات المخطوبات 💋
💎1 : أولا الخلخولة كاين انواع ديال الرجال في فترة الخطوبة وانا غانهضر ليك عليهم 👇👇
🍯النوع الاول : الخطيب لي ماكايكونش عاطيك وقت بزاااف وهضرتو قليلة معاك وانا هنا غانقول ليك لا داعي للقلق والعصبية والشك علاش؟ حيت حتى هو عندو مسؤولية من غيرك انتي عندو اولا الخدمة ديالو غير يسالي يجي لدار يدوش يتغدا يرتاح يشوف متطلبات عائلتو عاد ديك ساعة كايتفرغ باش يهضر معاك
⏳ يعني ماتسنايهش نهار كاامل يبقا حاضيك غير انتي ماتكونيش انانية وفنفس الوقت عمرك تحكمي على خطيبك فقط حيت هو ماشي اكتيف بزااف فالواتساب ولا فالتيليفون ولا ماكايسولش فيك بزااف حيت شحال من واحد بالتجربة كايقول صاف ضمنتها ماكاين لاش قوة الهضرة وتخربيق حتى نضربو الكحل فالبيض وتولي حلالي ديك ساعة أراك للحب والعشق والهضرة الحلوة لي انتي كاتسنايهم فالواتساب ولا تيليفون هو باغي يعطيهم ليك فالواقع وتكوني معاه هادي هي عقلية النوع الاول من الرجال من وراء الخطوبة
🍯النوع التاني ديال الرجال :
في فترة الخطوبة كايبقاو مصدعين خطيباتهم بالهضرة لي هي كاتالي:
🌹ماتخرجيش بليل وماتعطليش
🌹ماتمشيش لبلاصة خاوية
🌹جاوبي فالتيليون علاش ماكاتجاوبيش ؟
🌹علاش تعطلتي باش تجاوبي ؟؟
🌹شنو كاديري دابا واش نهضرو أبيل فيديو
🌹مانخرجوش فالويكاند انا وياك ؟
🌹ماتعاوديش تلبسي داك لباس..........
🌸وهاد نوع اغلبية ديال البنات كايعجبهم والغالبية الاخرى ماكايعجبهمش حيت الاهتمام بزااف إلا زاد عن حده انقلب ضده كاتولي مخنوقة وكاتحسي بيه بحال إلا باغي يحكمك ولاكن العكس هو باغي غير يحميك وتكوني بيخير ويعرفك واش مزيانة ولا❤❤
💎2 : خطيبك ماكايبغيش كل مرة تصدعيه بالهضرة وقوة ليزابيل فالتيليفون ولا تقولي ليه مالك تبدلتي ماكنتيش هاكا قبل الخطوبة !!! رآك غاتمرضيه الخلخولة وممكن طلعي ليه فراس بسبب النكد ديالك ويصدق يقول ليك مالنا على هاد القرع نمشطو ليه الراس كل واحد يشد طريقو شحال من واحد تفارق مع خطيبتو حيت مرضاتو بالشك وانا شفت هادشي فالواقع! 👀👂
🌸حيت راجل ماشي صبور بحال المراة بزربة كايتعصب ويطلع ليك الكاز للراس انتي ماعليك فقط غير تسولي فيه فالصباح وصيفطي ليه الرسائل الصباحية بحال صباح الخير كيف صبحتي احبيبي مزيان من بعد خرجي من واتساب حتى تقضي شغلك والا لقيتيه جاوب صيفطي ليه كي دايرين مالين دار بيخير سولي حتى فعائلتو ماشي غير هو حيت غايعجبو الحال❤
💎3 : منين تكوني كاتهضري مع خطيبك حاولي ماتبقايش طرحي عليه قوة الأسئلة ماغاديش يرتاح والا كان كايهضر معاك ماتقاطعيهش فالهضرة من اداب الكلام تخلي الواحد حتى يكمل هضرتو عاد هضري 👍 هو راه غايعجبو الحال بزااف إلا تصنتي ليه حتى كمل هضرتو ❤
🌸شوفي غير من رأسك انتي غايعجبك الحال إلا ناس كايتصنتو ليك ومهتمين بالحديث ديالك ولاكن إلا قاطعك شي حد غاتعصبي أوا حتى رجال هاكك ❤
💎4 : كيفاش نتواصل مع خطيبي عبر ابيل فالتيليفون 📞📞 أولا قولي ليه :👇
🌹سلام لاباس عليك كيف داير بيخير توحشتيني اليوم ؟ كي داز نهارك مزيان مالين دار لاباس عليهم؟
🌹عاود ليا على نهارك بغيت نعرف نهار حبيبي كيف داز بالتفصيل 《هنا غايحس بيك انك مهتمة بتفاصيل حياتو وغايعجبو الحال》
🌹كي داير مع الخدمة حاول على صحتك احبيبي على قبلك انت وعلى قبلي انا وعائلتك
🌹انا كانقول غير فوقاش نتجمع انا وياك فراش واحد ونعنقك ونشبع منك حيت بصح كل دقيقة كادوز عليا كانتوحشك فيها ❤
🌹 فخبارك كانكون فرحانة بزااف منين كانهضر معاك ونسمع صوتك وحتى منين كانكون معاك فالزنقة كانحس بالامان معاك بحال إلا بابا ولا خويا معايا والله ❤
🌹 انت وليتي بالنسبة ليا شي حاجة لي مميزة فحياتي ولي مستحيل نسمح فيها ❤
🌹 انت انسان معقول ووقلبك زوين وضريف معايا ماكاينش منك جوج فهاد الدنيا❤❤
🌹كانموت على شي حاجة سميتها فلان 《هنا قولي سميتو بلاصة فلان》
🌹من دابا خاصك دير ليا لائحة بالحوايج لي كاتعجبك ولي ماكاتعجبكش وحتى الماكلة لي كاتعجبك باش نبقى نطيبها ليك 《قوليها وانتي كاضحكي》😂😂 《هاكا غاتحسسيه انك مهتمة بيه》
🌹ماتغبرش عليا احبيبي بزااف حيت بصح كانتوحشك ونهاري كايدوز ناقص إلا ماهضرتش معاك وماسمعتش صوتك حاول تخلي ليا وقت ليا هاكا باش مانحسش بالفراغ العاطفي❤ 《هنا غاتوصلي ليه بطريقة غير مباشرة وكيوت انه مايبقاش يغبر ويسول فيك بلا ماتنوضي معاه لا صداع لا والو غير بحلاوة اللسان توصلي ليه الهضرة بطرقة زوينة وتاكلي راجل بحوايجو ويحل فمو❤
💎5 : ماشي إلا بغيتي تمشي لطواليط ولا تحزقي ولا تشربي تقوليها ليه فقط قولي ليه دقيقة هاني جاية ماتكتريش الهضرة حيت غاتبان ماعندكش الشخصية ماتشاوريش معاه فأي حاجة فقط الحوايج لي معقولين أي حاجة تافهة ماتقوليهاش ليه🤫🤫
💎6 : إلا قال ليك نمشيو لدار قولي ليه الدار خليها حتى لحلال وبدلي الموضوع أو ويااااك يقول ليك راسك احكا راه خطيبي نجرب معاه داكشي صطحي وياااك راه إلا جهل عليك ممكن مايصبرش ديك ساعة بييو البيشونة ديالك طير ديك ساعة تجي تشكي على البنات وضربي فحناكك وممكن تشربي داكشي ديالو حيت شحال من وحدة حملات واخة مازالة بالبكرة ديالها اذن سروالك وياااك تم وياااك تهبطيه ديري ليه القفل😂😂😂😂😂
💎7 : ماتخليهش يتجاوز معاك الحدود ولا يقيسك فشي بلايص لي ممنوعة حيت إلا خليتيه غايزيد يطغى عليك ويطلب كتر ولا يقول ليك راه عادي رآك خطيبتي ولا يثبت يقول ليك انا صاحبي خاطب كايدير كتر من هادشي مع خطيبتو وياااك تخليه يبيعك العجل بهاد الهضرة تكون عندك شخصية فرضيها عليه باش مايقولش هادي ساهلة👂👂
💎8 : ماتخليش المشاكل لي تافهة تكبر حيت غاتخلي مساحة بعد فعلاقتك مع خطيبتك إذن كان شي مشكل حلوه بطريقة عقلانية ماتكبروهش ❤
💎9 : ماتعاوديش ليه على المشاكل لي فعائلتك كيف ما كانت ديما خلي صورة عائلتك قدامو تكون زوينة ماديريهمش قنطرة باش زعمه تباني انك ماكاتخبي عليه والو ❤
💎10 : إلا خرجتي معاه ماتعطليش على الموعد والساعة لي عطيتيه وتخليه منشور كايتسنى باش مايقولش هادي مامسوقاش ليا وحاولي تلبسي شي حاجة واسعة ماشي المزير وماتكتريش المكياج بزااف باش نهار يشوفك بلا بيه مايلاحضش شي تغيير كبير ولا يقول مكياج هو لي مزينها😒😒 وماتلبسيش مشاية ديال الصبع فرجليك لبسي سنيديلة تكون زوينة🌹 وريحة ماتخويهاش عليك كااملة لي داز يشمشم فيك وماديريش صباغة فضفرانك ولا تخليهم طواال بحال نسر حيت اغلبية رجال ماكايعجبوهمش ضفران لي طوال بزاااف نقصي منهم شوية هو ماعندوش ديك الفكرة ديال انك نقية وكدا غايقول غير معكازة وماحادكاش 👍وماتزربيش فالمشية سيري خطوة خطوة معاه وماضحكيش بجهد بحال جعفر خليك كلك انوثة معاه كوني انيقة وطبيعية ❤
💎11 : من نهار الأول يموت المش ماشي يقول ليك تعيشي مع زريعتي انتي تنوضي تقولي ليه واخة وتبغي تباني انك بنت ناس قدامو لالا على الأقل يكون كاري راه غاتعيشي الجحيم مع زريعتو ماغاتكونش عندك الحرية. من غير إلا كانت عندو غير مو كبيرة فماشي مشكل تعيشي معاها هو مستحيل يسمح فمو ولاكن إلا عايشين معاها بناتها أو ولادها ماتزاديش عليهم حتى انتي وديرو تما بحال باط سردين عزلي انتي وراجلك من نهار الأول 👍👍
💎12 : ويااك تمشي عند عائلتو بوحدك إلا عرضوك حتى تمشي انتي وعائلتك كاملة باش ماتبانيش خفيفة❤
💎13 : إلا شي نهار عائلة خطيبك جابو ليك شي حاجة تاكليها انتي بوحدك ماتاكليهاش ماكايناش تيقة اما الا كانو مع الجماعة ماشي مشكل مهم انا غير نصحتك وانتي ديري لي بغيتي ❤
💎14 : صورة خطيبك ماتوريهاش لصحاباتك خليهم يقولو مسمومة حيت مابقاتش التقة أو ويااك توريهم حسابو في الفيسبوك ولا الانستغرام وماتعاوديش ليهم على علاقتك معاه خصوصا إلا كانت زوينة انتي ماعارفاش بنادم شنو فقلبو👍
💎15 : خطيبك حتارميه باش حتى هو يحتارمك أو ويااك تولفي ليه يطيح منك إلا دارها وقفيه عند حدو من نهار الاول حيت غايولي عندو عاادي يعايرك👂
💎16 : ماتعيقيش عليه بالاهتمام الزائد باش مايعجبوش راسو مرة قولي ليه كليمات زوينة أو مرة خلي هضرتك عادية معاه باش ماترفعيش ليه درابو ومايفهم والو من شخصيتك هاكا غايكون عندو فضول يزيد يعرفك كتر وماتكونيش مدلولة خليه هو لي يتصالح معاك الاول ماشي انتي حيت هو محتاجك كتر ماانتي محتاجاه👍
🔥🔞 الموضوع القادم نقط الاثارة عند رجل وكيفاش نستغلهم فزواجي🔞🔥
🌹 #ادمن_صفووءة🌹
تعليقات
إرسال تعليق